مقبول خبریں
یحییٰ سنوار 2024 میں عرب دنیا کی معروف ترین شخصیت قرار
جی ٹی وی ویب ڈیسک
01 جنوری, 2025 17:35
فلسطینیوں کیلئے مزاحمت کی علامت اور حماس کے شہید سربراہ یحییٰ سنوار کو عوامی سروے میں 2024 میں عرب دنیا کی معروف ترین شخصیت قرار دیا گیا۔
میڈیا رپورٹس کے مطابق گزشتہ برس قابض صہیونی فوج نے حماس اور لبنان کی مزاحمتی تنظیم حزب اللہ کے متعدد ارکان اور سربراہان کو شہید کرکے تحریک دبانے کی کوشش کی لیکن نتیجہ الٹا ہوگیا اور وہ اسلامی دنیا میں غیر معمولی شہرت اور مقبولیت حاصل کرگئے۔
غزہ میں صہیونی فورسز کے ساتھ براہ راست مقابلہ کرتے ہوئے شہید ہونے والے حماس کے سابق سربراہ یحییٰ سنوار کو شہید کرکے ان کے نام کو مٹانے کی کوشش کی تاہم وہ عرب دنیا کے مقبول ترین لیڈر بن گئے۔
مزید پڑھیں: یحییٰ سنوار شہادت سے قبل کتنے روز تک بھوکے رہے؟ انکشاف ہوگیا
اس سلسلے میں 2024 کے اختتام سے چند گھنٹے پہلے مصر کے ایک ادارے نے عرب عوام میں ایک روایتی سروے کے ذریعے سال کی شخصیت کے انتخاب کا اعلان کیا۔
اس سروے میں شرکت کرنے والوں نے حماس کے رہنما شہید یحییٰ سنوار کو معروف ترین شخصیت قرار دیا، سروے میں مقاومتی رہنما کو رائے زیادہ ملنے سے واضح ہوتا ہے کہ عرب دنیا میں مزاحمت اور اس کے شہداء کی مقبولیت میں اضافہ ہورہا ہے۔
مزید پڑھیں: مزاحمت کی علامت شہید یحییٰ سنوار کی آخری وصیت سامنے آگئی
یحییٰ سنوار جنوبی غزہ کے علاقے رفح میں صہیونی فوج کے ہاتھوں اس وقت شہید ہوئے جب وہ آخری لمحے تک فلسطینی عوام کا دفاع کررہے تھے۔
مزید پڑھیں: "غزہ جنگ بندی؛ یحییٰ سنوار کی شہادت کے بعد مشکل ہے”
صہیونی حکام کے دعوؤں کے برخلاف، سنوار کبھی بھی زیرِ زمین سرنگوں میں چھپے نہیں رہے بلکہ اسرائیلی فوج کے ساتھ براہ راست تصادم میں شہادت کے بلند مرتبے پر فائز ہوئے۔
واضح رہے کہ گزشتہ سال 7 اکتوبر سے جاری غزہ جنگ میں ابتک 46 ہزار سے زائد فلسطینی شہید ہوچکے ہیں جبکہ لاکھوں افراد اپنی سرزمین سے بےدخل ہونے پر مجبور ہیں۔
متعلقہ خبریں
