مقبول خبریں
جنوبی کوریا کے معطل صدر کے وارنٹ گرفتاری جاری
جی ٹی وی ویب ڈیسک
31 دسمبر, 2024 10:32
جنوبی کوریا کی عدالت نے مارشل لا لگائے جانے کی تحقیقات پر معطل صدر یون سک یول کے وارنٹ گرفتاری جاری کر دیے۔
عالمی خبر رساں ادارے رائٹرز کے مطابق جنوبی کوریا میں مارشل لاء لگائے جانے کی تحقیقات کرنے والے جوائنٹ انویسٹی گیشن یونٹ نے سابق صدر یون سک یول کے وارنٹ گرفتاری کی درخواست کی تھی۔
مارشل لا کے نفاذ پرپارلیمنٹ کے مواخذے کے بعد یون سک یول صدارت کے عہدے سے معطل ہیں، مواخذے کی توثیق کیلئے 9 رکنی آئینی عدالت کا حکم آنا ابھی باقی ہے۔
مزید پڑھیں:جنوبی کوریا کے قائم مقام صدر کیخلاف بھی مواخذے کی تحریک منظور
دوسری جانب جنوبی کوریا کے سابق معطل صدر کے وکیل کا کہنا ہے کہ یون سک یول کےگرفتاری کے وارنٹ غیر قانونی ہیں۔
رپورٹ کے مطابق جنوبی کوریا میں 3 دسمبر کا مارشل لاء بغاوت کے مترادف تھا یا نہیں اس کی تحقیقات چل رہی ہیں اور یون سک یول پولیس اور کرپشن انویسٹی گیشن یونٹ کے سوالوں کے جواب دینے میں ناکام رہے تھے۔
خیال رہے کہ جنوبی کوریا میں یہ پہلی مرتبہ ہوا ہے کہ کسی صدر کے وارنٹ گرفتاری جاری کیے گئے اور جنوبی کوریا کے آئین کے مطابق صدر کو بھی بغاوت کے کیس میں استثنیٰ حاصل نہیں ہے۔
متعلقہ خبریں
