مقبول خبریں
برطانوی بادشاہ نے میئر لندن کو اہم اعزاز سے نواز دیا
جی ٹی وی ویب ڈیسک
31 دسمبر, 2024 10:19
لندن: برطانیہ کے باد شاہ چارلس نے میئر لندن صادق خان کو انتہائی معتبر اعزاز (نائٹ) سے نواز دیا۔
غیر ملکی میڈیا کے مطابق میئر لندن صادق خان کو نائٹ کا انتہائی معتبر اعزاز لندن کے عوام کی خدمات کے اعتراف میں دیا گیا جس کے بعد نائٹ کا اعزاز ملنے سے اب صادق خان کے نام سے پہلے سر بھی لکھا جائے گا۔
میئر لندن صادق خان نے خوشی کا اظہار کرتے ہوئے کہا ہے کہ نائٹ کا اعزاز ملنے پر فخر محسوس کر رہا ہوں، جنوبی لندن میں بچپن گزارتے وقت سوچا بھی نہیں تھا کہ ایک دن شہر کا میئر بنوں گا۔
مزید پڑھیں:کوپ 28 کانفرنس؛ کنگ چارلس کا موسمیاتی تبدیلیوں کے باعث پاکستان میں ہونیوالی تباہی کا تذکرہ
دوسری جانب صادق خان کو نائٹ کا اعزاز ملنے پر فارن سیکرٹری ڈیوڈ لیمی نے مبارک باد دیتے ہوئے کہاہے کہ صادق نے اسکول ڈنر کی مفت فراہمی، صاف ہوا اور کونسل کے ریکارڈ گھر بنانے کے لیے اقدامات کیے۔
انہوں نے کہا کہ فخر ہےکہ برطانیہ ایک ایسی جگہ ہےجہاں بس ڈرائیور کا بیٹا کابینہ کا رکن اور شہر کا میئربن سکتا ہے۔
خیال رہے کہ لندن کے میئر صادق خان رواں برس مسلسل تیسری مرتبہ لندن کے میئر منتخب ہوئے تھے۔
متعلقہ خبریں
