اسکولوں میں موسم سرما کی چھٹیاں بڑھا دی گئیں

خیبرپختونخوا کے میدانی علاقوں کے اسکولوں میں موسم سرما کی چھٹیاں بڑھانے کا اعلان کردیا گیا۔

محکمہ تعلیم خیبرپختونخوا  کی جانب سے جاری اعلامیہ کے مطابق صوبے کے میدانی علاقوں میں 6 جنوری تک اسکول بند رہیں گے۔

یاد رہے اس سے قبل خیبر پختونخوا کے میدانی علاقوں میں 23 دسمبر سے 31 دسمبر تک موسم سرما کی تعطیلات کا اعلان کیا گیا تھا۔

دوسری جانب خیبرپختونخوا میں سردی کی شدید لہر جاری ہے، محکمہ موسمیات کے مطابق صوبے کے بیشتر اضلاع میں موسم سرد اور خشک ہے جب کہ بالائی اضلاع کا شدید سردی کی لپیٹ میں رہنے کا امکان ہے۔

میدانی علاقوں نوشہرہ، مردان ، چارسدہ ، صوابی ، ڈیرہ اسماعیل خان میں رات اور صبح کے وقت شدید دھند پڑنے کا امکان ہے۔