بلوچستان میں خواتین سمیت نوجوانوں کیلئے سرگرمیوں کا انعقاد

کوئٹہ: بلوچستان کے مختلف اضلاع میں خواتین کی اہمیت کو اجاگر کرنے اور نوجوانوں کیلئے فلاحی سرگرمیوں کا انعقاد کیا گیا۔

تفصیلات کے مطابق دخترانِ پاکستان کے موضوع پر معاشرے کی ترقی میں خواتین کی اہمیت کو اجاگر کرنے کیلئے بلوچستان میں 14 سے 20 دسمبر 2024 کے دوران ہونے والی سرگرمیوں کی تفصیلات سامنے آگئی۔

شیڈول کے مطابق بلوچستان میں 13 دسمبر 2024 کو گورنمنٹ گرلز ڈگری کالج، ژوب میں سیمینار منعقد ہوا، جبکہ کمیونٹی پولیسنگ اور تنازعات کے حل کے موضوع پر 13 دسمبر 2024 کو میونسپل ہال، ژوب میں سیمینار منعقد ہوا۔

شیڈول کے مطابق نوجوانوں کی معاشی مرکزی دھارے میں شمولیت کیلئے بزنس انکیوبیشن سینٹر کا آغاز 18 دسمبر 2024 کو بیوٹمز، کوئٹہ میں کیا گیا۔ بین المذاہب ہم آہنگی، قومی اتحاد اور سماجی یکجہتی کے موضوع پر سیمینار میتھوڈسٹ چرچ کوئٹہ میں منعقد ہوا۔

علاوہ ازیں ہنر مند نوجوانوں کی سماجی و اقتصادی شمولیت کیلئے سیمینار آئی کون انسٹی ٹیوٹ، کوئٹہ میں منعقد ہوا۔  نوجوانوں کی سماجی و اقتصادی شمولیت کیلئے انکیوبیشن سینٹر کا آغاز نیشنل یونیورسٹی آف سائنس اینڈ ٹیکنالوجی کوئٹہ میں کیا گیا۔

 دخترانِ پاکستان کی معاشی شمولیت کیلئے سیمینار، خواتین مدارس کی طالبات کی ہنر مندی کو اجاگر کرنے کیلئے کوئٹہ میں منعقد ہوا۔