روزانہ 7 گھنٹے سے کم نیند لینا کتنا خطرناک ہے؟ ڈاکٹرز نے بتادیا

آج کی تیز رفتار دنیا میں اسکرین ٹائم، کام کی ذمہ داریوں اور روزمرہ زندگی کے تناؤ کو متوازن کرنے کے چکر میں معیاری نیند حاصل کرنا مشکل بنا سکتا ہے۔

ماہرین کے مطابق اچھی صحت برقرار رکھنے کے لیے بالغ افراد کو ہر رات سات سے نو گھنٹے کی نیند لینی چاہیے۔

نیشنل انسٹی ٹیوٹ آف ہیلتھ کی تحقیق سے پتہ چلتا ہے کہ سات گھنٹے سے کم سونے والے افراد میں صحت کے زیادہ مسائل پیدا ہوسکتے ہیں۔

اس کے باوجود 2024 کے گیلپ سروے سے پتہ چلا کہ 57 فیصد امریکیوں کو لگتا ہے کہ انہیں مناسب آرام نہیں مل رہا۔

نیند پر نظر رکھنے والی ایک ایپ سلیپ سائیکل کی مزید بصیرت نے امریکا بھر میں 15 ملین گھنٹوں سے زیادہ نیند کے اعداد و شمار کا تجزیہ کیا۔

سنہ 2023 میں شائع ہونے والی اس تحقیق کے نتائج میں بتایا گیا ہے کہ ہوائی، نیواڈا اور میری لینڈ جیسی ریاستوں میں نیند کے بدترین نمونے پائے جاتے ہیں۔

دوسری جانب سلیپ ریویو کے مطابق مونٹانا، کولوراڈو اور ورمونٹ جیسی ریاستیں رات کی اچھی نیند حاصل کرنے والی بہترین ریاستوں میں شامل ہیں۔

بہت سے لوگوں کے لئے زیادہ قیمتی آرام حاصل کرنا آسان ہے تاہم ایک حالیہ مطالعہ جو ناکافی نیند کے جسمانی نتائج پر روشنی ڈالتا ہے، آپ کو آج رات سونے کے وقت کو ترجیح دینے کی ترغیب دے سکتا ہے۔

ایک برطانوی گدے اور بستر کی کمپنی نے ایک خود ساختہ ‘سلیپ ایپیجیلسٹ’ کے ساتھ مل کر ایک پریشان کن تھری ڈی ماڈل تیار کیا جس میں دکھایا گیا ہے کہ اگر ہم مسلسل نیند سے محروم رہیں تو 25 سالوں میں ہمارا جسم کیسا نظر آئے گا۔

ڈاکٹر بوسٹاک نے وضاحت کی کہ حنا (نیچے دی گئی تصویر) اچھی نیند نہ لینے کے باعث صحت پر مجموعی اثرات کی ایک فکر انگیز مثال ہے۔

انہوں نے کہا کہ مطالعات سے پتہ چلتا ہے کہ طویل عرصے تک نیند کی کمی آپ کو ان حالات کے لئے زیادہ خطرے میں ڈال سکتی ہے، روزانہ 7 گھنٹے سے کم سونا دل کو متاثر کرسکتا ہے جب کہ ایسے افراد موٹاپے اور ٹائپ 2 ذیابیطس کا شکار بھی ہوسکتے ہیں۔

طبی ماہرین کا مزید کہنا تھا کہ آرام کی کمی کے نتیجے میں یادداشت، قوت مدافعت میں کمی اور نزلہ زکام اور فلو جیسی بیماریوں کا خطرہ بھی بڑھ سکتا ہے۔