آئی سی سی نے چیمپئنز ٹرافی کیلئے ہائبرڈ ماڈل کی منظوری دیدی

انٹرنیشنل کرکٹ کونسل (آئی سی سی) نے چیمپئنز ٹرافی 2025 کیلئے ہائبرڈ ماڈل کی منظوری دیدی۔

بھارتی میڈیا نے اپنی رپورٹس میں دعویٰ کیا ہے کہ پاکستان کی میزبانی میں ہونیوالی آئی سی سی چیمپئنز ٹرافی بھارتی دباؤ پر ہائبرڈ ماڈل کے تحت کھیلی جائے گا۔

بھارتی ٹیم اپنے میچز پاکستان کے بجائے نیوٹرل وینیو پر کھیلے گی، اسی طرح ٹی20 ورلڈکپ 2026 بھی ہائبرڈ ماڈل پر ہوگا اور پاکستان اپنے میچز نیوٹرل وینیو پر کھیلے گا۔

مزید پڑھیں: بابراعظم پر جنسی ہراسانی کا مقدمہ؛ جج کرکٹر کے وکیل سے ناراض کیوں؟

صحافی وکرانت گپتا نے اپنی رپورٹ میں انکشاف کیا کہ بھارت اپنے آئی سی سی چیمپئنز ٹرافی 2025 کے میچ دبئی میں کھیلے گا جبکہ پاکستان کرکٹ بورڈ (پی سی بی) کو ہائبرڈ ماڈل سے اتفاق کرنے پر کوئی اضافی معاوضہ نہیں ملے گا۔

مزید پڑھیں: چیمپئنز ٹرافی؛ براڈکاسٹرز کا پرومو بھی پاکستان مخالف نکلا

پاکستان کرکٹ بورڈ (پی سی بی) اور بھارتی کرکٹ بورڈ (بی سی سی آئی) نے دوطرفہ میٹنگ میں اس بات پر اتفاق کیا ہے کہ 2026 ٹی20 ورلڈکپ میں پاکستانی ٹیم ہندوستان کا دورہ نہیں کرے گی، دلچسپ بات یہ ہے کہ اس ایونٹ کی مشترکہ میزبانی بھارت اور سری لنکا کے سپرد ہے۔

اسی طرح دونوں روایتی ٹیموں کے درمیان ٹی20 ورلڈکپ 2026 میں پاک بھارت لیگ میچ بھی کولمبو میں کھیلا جائے گا۔