اسلام آباد میں غیر قانونی کمرشلائزیشن روکنے کا مطالبہ

کیپٹل ڈیولپمنٹ اتھارٹی (سی ڈی اے) سے آباد کے رہائشی علاقوں میں غیر قانونی کمرشلائزیشن روکنے کا مطالبہ کیا ہے۔

ایکس پر کی گئی ایک ٹویٹ میں کہا گیا کہ اتھارٹی کو اسی ڈی اے آرڈیننس 1960 اور اسلام آباد ریزیڈنشل سیکٹرز زوننگ ریگولیشنز کی خلاف ورزیوں کو فوری طور پر حل کرنا چاہیے۔

بیان میں کہا گیا کہ اسلام آباد کئ پرامن رہائشی علاقوں کو ہاسٹل، کلینک اور یہاں تک کہ بین الاقوامی میڈیا ہاؤسز جیسے غیر قانونی تجارتی منصوبوں کے مراکز میں تبدیل کیا جا رہا ہے۔

ٹویٹ میں لکھا گیا کہ رہائشی علاقے زندگی گزارنے کے لیے ہیں، کاروبار اور منافع خوری کے لیے نہیں۔

یہ سرگرمیاں نہ صرف بڑھتی ہوئی ٹریفک، پارکنگ افراتفری اور ماحولیاتی دباؤ کے ساتھ کمیونٹی کے معیار زندگی میں خلل ڈال رہی ہیں بلکہ موجودہ قوانین اور طریقہ کار کی براہ راست خلاف ورزی بھی ہیں۔

عالمی سطح پر  لندن اور دبئی جیسے شہر رہائشی علاقوں کے تقدس کو برقرار رکھنے کے لئے زوننگ قوانین کو سختی سے نافذ کرتے ہیں۔

بیان میں مزید کہا گیا کہ ہم خاموش نہیں رہیں گے، اسلام آباد کے رہائشیوں پر زور دیتے ہیں کہ وہ سی ڈی اے سے احتساب کا مطالبہ کریں تاکہ پرامن محلوں میں آپ کے حق کا تحفظ کیا جاسکے۔