ارطغرل غازی کے مرکزی کردار نے شہرت سہرا ”پاکستانیوں” کو قرار دیدیا

دنیا بھر کے مقبول ترین ترکیہ کے تاریخی ڈرامے ”ارطغرل غازی” میں مرکزی کردار ادا کرنیوالے انجین التان دوزیتان اپنی عالمی شہرت کا سہرا پاکستانیوں کے سر باندھ دیا۔

حال ہی میں سعودی عرب میں منعقد ہونے والے ریڈ سی فلم فیسٹیول کے ایک ایونٹ میں ترک اداکار انجین التان دوزیتان نے اپنے تاریخی ترک ڈرامے کے کردار پر کھل کر بات کی اور پاکستان میں اپنی مقبولیت پر بھی حیرانگی کا اظہار کیا۔

ایونٹ کے دوران بات کرتے ہوئے ترک اداکار نے کہا کہ ”ارطغرل غازی” ترکیہ میں پہلے ہی مقبول ہوچکا تھا لیکن پاکستان میں نشر ہونے کے بعد الگ ہی معاملہ ہوا۔

مزید پڑھیں: وسیم بادامی کی ماہرہ خان سے ہاتھ نہ ملانے کی ویڈیو وائرل

انجین التان دوزیتان کا کہنا تھا کہ پوری دنیا میں فلموں اور ڈراموں کے شائقین تقریبا ایک جیسے ہی ہوتے ہیں لیکن ”ارطغرل غازی” کے پاکستان میں نشر ہونے کے بعد انہیں دوسری طرح کی پذیرائی ملی۔

مزید پڑھیں: ثانیہ شعیب، ہاردک نتاشا نے طلاق پر بیویوں کو کتنے کروڑ ادا کیے؟

ایک سوال کے جواب میں انہوں نے بتایا کہ مذکورہ ڈرامے کی شوٹنگ کے دوران ان پر کردار کا اثر ہوچکا تھا اور انہیں کردار کے اثر سے نکلنے میں کافی وقت لگا۔

واضح رہے کہ ترک ڈرامے ”ارطغرل غازی” کو پاکستان ٹیلی وژن (پی ٹی وی) پر نشر کیا گیا تھا اور اس نے مقبولیت کے نئے ریکارڈ قائم کیے تھے۔