چیمپئنز ٹرافی؛ براڈکاسٹرز کا پرومو بھی پاکستان مخالف نکلا

آئی سی سی چیمپئنز ٹرافی 2025 کیلئے براڈکاسٹرز کی جانب سے جاری کردہ پرومو پر سوالات نے جنم لے لیا۔

اسٹار اسپورٹس انڈیا کی جانب سے میگا ایونٹ کا پرومو ریلیز کیا گیا تاہم بغضِ پاکستان میں بھارتی اسپانسرز نے پرومو میں میزبان کا نام تک نہ لکھا جبکہ تصویری اور ویڈیو جھلکیوں میں ٹی20 ورلڈکپ 2024 ڈالے۔

اسی طرح 2017 میں ہونیوالی آخری آئی سی سی چیمپئینز ٹرافی میں پاکستانی ٹیم کی فاتح کی حیثیت سے کوئی تصویر یا ویڈیو جھلک شیئر تک نہ کی گئی۔

مزید پڑھیں: چیمپئنز ٹرافی کا مستقبل کیا ہوگا؟ کل فیصلہ ہونے کا امکان

اسپانسرز کی جانب سے شیئر کیے گئے پرومو کو پاکستان سمیت دنیا بھر کے مداحوں کو مزید مایوس کردیا۔

صارفین نے ویڈیو میں چیمپئینز ٹرافی 2017 کے لمحات اور پاکستان کے بطور ہوسٹ نام درج نہ کرنے پر اسٹار اسپورٹس کو شدید ننقید کا نشانہ بنایا۔

مزید پڑھیں: چیمپئنز ٹرافی؛ براڈکاسٹرز کا خط لیک! نیا تنازع جنم لینے لگا

دوسری جانب آئی سی سی ایونٹس سے میزبان ملک کو نام اور یادگار لمحات شیئر نہ کرنے پر مداحوں نے پاکستان کرکٹ بورڈ (پی سی بی) کو بھی آڑے ہاتھوں لیا اور ایونٹ سے بائیکاٹ کا مشورہ دیا۔

واضح رہے کہ 2017 میں چیمپئنز ٹرافی آخری بار کھیلی گئی تھی اور ایونٹ میں پاکستان دفاعی چیمپئین ٹائٹل کا دفاع کرے گا۔ پاکستان نے روایتی حریف بھارت کو فائنل میں 180 سے شکست دیکر ٹرافی اپنے نام کی تھی۔