اسرائیل کا حزب اللہ کے اہم رہنما کو شام میں شہید کرنے کا دعویٰ

اسرائیلی فوج نے لبنان کی مزاحمتی تنظیم حزب اللہ کے رہنما سلمان جمعہ کو شہید کرنے کا دعویٰ کردیا۔

میڈیا رپورٹس کے مطابق اسرائیلی فوج نے دمشق میں حزب اللہ کے اہم رہنما سلمان جمعہ کی شہادت کا دعویٰ کیا ہے، وہ شامی فوج میں حزب اللہ کے نمائندہ خصوصی تھے۔

عرب میڈیا پر اسرائیلی حملے میں سلمان جمعہ کی شہادت کے بعد ایک تباہ شدہ کار کی تصویر بھی سامنے آئی ہے۔

اس سے قبل اسرائیلی وزیر دفاع نے لبنانی حکومت کو دھمکی دیتے ہوئے کہا تھا کہ اگر جنگ بندی ناکام ہوتی ہے تو اسرائیل حزب اللہ اور لبنانی ریاست میں فرق نہیں کرے گا۔

مزید پڑھیں: جنگ بندی معاہدے کے باوجود اسرائیل کے لبنان پر حملے، 12 افراد شہید

اسرائیلی وزیر دفاع نے مزید کہا کہ جنگ بندی معاہدے کے مکمل نفاذ کے لیے پوری قوت بروئے کار لائیں گے اور اس حوالے سے کوئی نرمی نہیں دکھائی جائے گی۔

دوسری جانب شامی فوج نے شورش زدہ علاقوں میں 200 جنگجوؤں کومارنےکا دعویٰ کیا ہے اور ادھرامریکا نے بھی شامی فوجی اہداف پر حملے کیے ہیں۔