گوادر میں تین روزہ ایجوکیشنل گالا کا انعقاد، ہزاروں افراد کی شرکت

 گوادر میں تین روزہ دوسرے ایجوکیشنل گالا کا انعقاد کیا گیا جس میں ہزاروں بچوں شریک ہوئے۔

گالا 2 سے 4 دسمبر تک جاری رہا، سول انتظامیہ اور پاک فوج کی جانب سے گالا کی افتتاحی تقریب منعقد کی گئی۔

پاکستان کے خوبصورت ساحلی شہر گوادر میں ہر شعبہ فکر کے لوگوں نے رنگ بھرا جب کہ گالا میں 50 سے زائد تعلیمی اداروں نے بھرپور حصہ لیا۔

3 دن تک جاری رہنے والے گالا میں آرٹ کارنور کو کافی مقبولیت حاصل رہی، جس میں بچوں نے اپنے فن کا مظاہرہ کیا۔

موسمیاتی تبدیلی سے آگاہ کرنے اور گرین گوادر کی تھیم بھی پارک میں نمایا رہی جب کہ کتاب گھر میلا اور بچوں کی بھرپور شرکت اس گالا کی رونق بنے رہے۔