مقبول خبریں
فہد مصطفیٰ کو برطانوی پارلیمنٹ نے دو ایوارڈز سے نواز دیا
جی ٹی وی ویب ڈیسک
04 دسمبر, 2024 11:49
پاکستانی اداکار فہد مصطفیٰ کے عالمی اثر و رسوخ کو برطانوی پارلیمنٹ نے بھی تسلیم کرکے انہیں دو اعزازات سے نواز دیا۔
متعدد ہٹ فلموں اور ٹی وی سیریز میں شاندار اداکاری کے ذریعے ثقافتی اثر پیدا کرنے کی وجہ سے فہد مصطفیٰ کو ہاؤس آف لارڈز اور ہاؤس آف کامنز دونوں کی جانب سے ایوارڈز دیے گئے۔
اداکار کو ‘ڈائیورسٹی اینڈ کلچرل امپیکٹ ایوارڈ’ اور ‘گلوبل کلچرل یونٹی ایوارڈ’ سے نوازا گیا، ایوارڈز ایم پی ناز شاہ اور وزیر لارڈ واجد خان نے دیئے۔
سماجی رابطے کی ویب سائٹ انسٹاگرام پر فہد مصطفیٰ کا کہنا تھا کہ پاکستانی اسکرینز پر پیش کی جانے والی کہانیاں عالمی ناظرین کی توجہ کا مرکز بنتی ہیں، یہ ایوارڈز ہماری ثقافت کی طاقت، ہماری کہانیوں اور اتحاد کے غیر متزلزل جذبے کا ثبوت ہے جو ہمیں عالمی سطح پر روشن کرتا ہے۔
View this post on Instagram
برطانوی پارلیمنٹ سے خطاب کرتے ہوئے مصطفیٰ نے اپنی کامیابی کا سہرا اپنے والد اور لیجنڈری اداکار صلاح الدین تونیو کو دیا۔
اداکار نے کہا کہ انہوں نے کبھی اتنی اعلیٰ سطح پر کامیابی حاصل کرنے کا تصور بھی نہیں کیا تھا لیکن والد کی دعاؤں نے انہیں اس اعزاز تک لانے میں اہم کردار ادا کیا۔
متعلقہ خبریں
