مقبول خبریں
سعودی ولی عہد نے وزیراعظم سے ملاقات میں دورہ پاکستان کی دعوت قبول کرلی
جی ٹی وی ویب ڈیسک
04 دسمبر, 2024 09:58
سعودی ولی عہد محمد بن سلمان نے وزیراعظم شہباز شریف سے ملاقات میں دورہ پاکستان کی دعوت قبول کرلی۔
محمد بن سلمان کی 6 ماہ کے دوران شہباز شریف سے 5 ویں بار ملاقات ہوئی، اس موقع پر شہزادہ محمد بن سلمان نے کہا کہ یہ حقیقی محبت اور باہمی احترام کا ثبوت ہے جو دونوں ملکوں کے عوام کو جوڑتا ہے۔
ملاقات میں دونوں رہنماؤں نے سرمایہ کاری کے لیے سعودی مفاہمتی یادداشتوں، معاہدوں پر عمل درآمد کی رفتار پر اطمینان کا بھی اظہار کیا۔
شہباز شریف اور سعودی ولی عہد کی ملاقات ون واٹر سربراہی اجلاس کے موقع پر سعودی دارالحکومت ریاض میں ہوئی۔
محمد بن سلمان کا کہنا تھاکہ دونوں ملکوں کے درمیان تعاون کا فروغ پاکستان کی معاشی، ترقی خوشحالی کے لیے کلیدی اہمیت رکھتا ہے۔
شہباز شریف نے ولی عہد سے پاکستانی عوام کے لیے نیک خواہشات پر اظہارتشکر کیا اور انہیں جلد پاکستان کا دورہ کرنے کی دعوت دی۔
وزیراعظم آفس کے مطابق ولی عہد محمد بن سلمان نے دورہ پاکستان کی دعوت قبول کرلی اور کہا کہ جلد دورہ پاکستان کا منتظر ہوں۔
متعلقہ خبریں
