اسکولوں میں موسم سرما کی تعطیلات کا آغاز کب ہو گا؟

لاہور: سیکرٹری اسکولز پنجاب خالد نذیر وٹو نے کہا ہے کہ پنجاب میں 20 دسمبر سے موسم سرما کی چھٹیوں کا آغاز ہو گا۔

تفصیلات کے مطابق سیکرٹری اسکولز پنجاب خالد نذیر وٹو نے ایک بیان میں کہا کہ پنجاب میں 20 دسمبر سے موسم سرما کی چھٹیاں ہورہی ہیں۔

سیکرٹری اسکولز  پنجاب نے بتایا کہ 10 جنوری 2025  تک اسکولوں میں موسم سرما کی چھٹیاں ہوں گی، اسکولوں میں موسم سرما کیلئے 20 دن کی چھٹیاں ہوں گی۔

مزید پڑھیں:گوگل کا پاکستان میں 50 اسمارٹ اسکولز قائم کرنے کا اعلان

پنجاب میں نومبر، دسمبر میں شدید دھند ہوتی ہے اور درجہ حرارت 7-8 ڈگری سینٹی گریڈ تک گر جاتا ہے، جس کی وجہ سے طلباء کیلئے کلاسوں میں جانا مشکل ہوجاتا ہے۔

خیال رہے کہ گزشتہ سال صوبائی حکومت نے ابتدائی طور پر 18 دسمبر سے 31 دسمبر تک تعطیلات کا اعلان کیا تھا تاہم بعد میں اس میں 9 جنوری 2024 تک توسیع کردی گئی تھی۔