وزن کم کرنے والے افراد کو رات میں کن کھانوں سے دور رہنا چاہئے؟

جب وزن کم کرنے کی بات آتی ہے تو آپ شام کو جو کھاتے ہیں وہ غذا اہم کردار ادا کرتی ہے۔

ایک اچھی طرح سے منتخب کردہ رات کا کھانا ہاضمہ کو بڑھا سکتا ہے اور وزن میں کمی کی حمایت کرسکتا ہے جبکہ غلط کھانے وزن میں کمی لانے کے بجائے صحت کے لیے نقصان دہ ہوسکتے ہیں۔

سموسے، پکوڑے اور تلی ہوئی چکن جیسے گہرے تلے ہوئے کھانے کیلوری سے بھرپور اور غیر صحت بخش ہوتے ہیں۔

رات کو دیر تک ان اسنیکس کا استعمال ہاضمہ کو سست، نیند میں خلل ڈالتا ہے اور وزن میں اضافے میں کردار ادا کرتا ہے۔

میٹھے مشروبات جیسے سوڈا، جوس اور اسپورٹس ڈرنکس ہائی فرکٹوز مکئی کے سیرپ سے بھرے ہوتے ہیں، جس کی وجہ سے بلڈ شوگر لیول میں اضافہ ہوتا ہے۔

وہ ٹھوس کھانے کی طرح تسکین فراہم نہیں کرتے جب کہ ان اشیا سے وزن میں اضافہ ہوتا ہے۔

مکھن چکن یا پنیر ٹکا مصالحہ جیسے کریمی سالن کیلوریز اور سیچوریٹڈ چربی سے بھرے ہوتے ہیں۔

رات کو دیر تک ان پکوانوں کو کھانے سے سست روی پیدا ہوسکتی ہے، ہاضمہ خراب ہوسکتا ہے  اور نیند کا معیار خراب ہوسکتا ہے۔

اس کے علاوہ گلاب جامن، جلیبی اور برفی کھانے کیلوریز کی مقدار میں اضافہ ہوتا ہے، ان شکر سے بھرپور میٹھے بائٹس خون میں شوگر لیول کو بڑھا سکتے ہیں۔

نوڈلز، چپس اور پیک شدہ اسنیکس غذائی تغذیہ میں کم ہیں لیکن کیلوریز، غیر صحت مند فیٹ اور پریزرویٹو میں زیادہ ہیں۔

رات کو دیر تک ان غذاؤں کا استعمال وزن میں اضافے، ہاضمے کے مسائل اور غیر صحت مند ناشتے کی خواہش میں اضافے کا باعث بن سکتا ہے۔

وزن میں کمی کی حمایت کرنے کے لئے پروٹین، سبزیوں اور متوازن کھانے کا انتخاب کریں اور شام کو ان کھانوں سے پرہیز کریں۔