یوٹیوب شارٹس کیلئے نیا اے آئی فیچر متعارف

اس ٹول کے ذریعے صارفین کسی پوپ گانے کو جاز کسی دوسری طرز کے گانے میں تبدیل کرسکیں گے۔ گوگل ڈیپ مائنڈ کی ٹیم نے اس اے آئی ماڈل کے لیے چند ڈریم ٹریک فیچرز تیار کیے ہیں تاکہ گانوں کو صارفین اپنی پسند کے مطابق بدل سکیں۔

کمپنی نے بتایا کہ اگر آپ ان محدود صارفین میں شامل ہیں جن کو اس ٹول تک رسائی دی گئی ہے تو کسی بھی گانے کو سلیکٹ کریں اور بتائیں کہ آپ اسے کس انداز سے بدلنا چاہتے ہیں، جس کے بعد یہ ٹول 30 سیکنڈ کے منفرد ساؤنڈ ٹریک میں تبدیل کردے گا جسے شارٹس کے لیے استعمال کیا جاسکے گا۔

کمپنی کے مطابق صارفین کے سامنے واضح کیا جائے گا کہ نئے ٹریک میں اے آئی کو استعمال کیا گیا اور اسے گانے والا گلوکار کون ہے۔

خیال رہے کہ یہ فیچر ابھی محدود صارفین کو دستیاب ہے تو ابھی یہ کہنا مشکل ہے کہ اسے کب تک تمام افراد کے لیے متعارف کرایا جائے گا۔