ریلوے اسٹیشن دھماکا؛ سی سی ٹی وی فوٹیج منظر عام پر آگئی

کوئٹہ میں ریلوے اسٹیشن پر ہوئے مبینہ خودکش دھماکے کی سی سی ٹی وی فوٹیج منظر عام پر آگئی۔

صبح سویرے بلوچستان کے شہر کوئٹہ میں ریلوے اسٹیشن کے پلیٹ فارم پر دھماکا ہوا ہے جس کے نتیجے میں 24 افراد جاں بحق جبکہ 40 زخمی ہوگئے۔

سی سی ٹی وی فوٹیج میں دیکھا جاسکتا ہے کہ دھماکے کے وقت پلیٹ فارم پر 100 سے زائد افراد موجود تھے، اس دوران انتہائی شدید نوعیت کا دھماکا ہوا اور ہر طرف افراتفری پھیل گئی۔

ایس ایس پی آپریشن محمود بلوچ کا کہنا ہے کہ دھماکہ اس وقت ہوا جب جعفر ایکسپریس سے جانے کے لئے مسافروں کی بڑی تعداد پلیٹ فارم پر موجود تھی۔

مزید پڑھیں: کوئٹہ ریلوے اسٹیشن پلیٹ فارم پر دھماکہ، 24 افراد جاں بحق،40 زخمی

ریلوے حکام اور پولیس کے مطابق پشاور کے لیے جعفر ایکسپریس نے 9 بجے روانہ ہونا تھا، ٹرین ابھی پلیٹ فارم پر نہیں لگی تھی کہ ریلوے اسٹیشن پر ٹکٹ گھر کے قریب دھماکا ہوا۔