اسپین میں بدترین سیلاب سے اموات کی تعداد 158 تک پہنچ گئی

اسپین میں آنے والے بدترین سیلاب سے اموات کی تعداد 158 تک پہنچ گئی۔

خراب حالات کی وجہ سے تلاش کے کام میں امدادی کارکن مشکلات سے دوچار ہی، امدادی کارروائیوں میں گزشتہ روز 1200 سے زائد کارکنان مصروف رہے، اس سلسلے میں ڈرونز کی مدد کی مدد بھی لی گئی۔

بارشوں کی وجہ سے ملک کے کچھ حصوں کو اب بھی خطرہ لاحق ہے، سب سے زیادہ متاثرہ صوبہ ویلینسیا ہے جہاں کم از کم 155 اموات ریکارڈ کی گئیں۔

رپورٹس میں بتایا گیا ہے کہ ویلنسیا کے شہر پائیپورٹا میں دریا کے قریب آباد 40 افراد پانی کی نذر ہوئے۔