گھر میں استعمال ہونے والا پتھر کروڑوں مالیت کا انمول ہیرا نکلا

رومانیہ کے ایک گھر میں دروازوں کی روک تھام میں استعمال ہونے والا پتھر کروڑوں روپے مالیت کا قیمتی ہیرا نکلا۔

بھارتی میڈیا رپورٹ کے مطابق برسوں سے دروازوں کی روک تھام میں استعمال ہونے والے امبر کے ایک بڑے ٹکڑے کی قیمت تقریبا 1 ملین ڈالر (8.4 کروڑ روپے) ہے۔

3.5 کلو گرام وزنی یہ پتھر رومانیہ کے شہر کولٹی کے قریب ایک ندی کے بیڈ سے ایک معمر خاتون نے کھودا اور پھر اپنے گھر کے دروازوں کو کھولنے کے لیے استعمال کیا۔

تاہم بعد میں معلوم ہوا کہ یہ پتھر امبر کے سب سے بڑے ٹکڑوں میں سے ایک ہے، جو لاکھوں سال سے فوسل شدہ درخت کی رال ہے۔ اس کے سرخ رنگ کی وجہ سے رومانیت کے نام سے جانا جاتا ہے، کولٹی کے آس پاس کان کنی کی جاتی ہے۔

1991 میں خاتون کی موت کے بعد انکے گھر ایک رشتہ دار کو منتقل ہوا تھا جس نے محسوس کیا کہ دروازے کا اسٹاپ اصل خیال سے کہیں زیادہ قیمتی ہوسکتا ہے۔

اس کے بعد اسے رومانیہ کی ریاست کو فروخت کر دیا گیا اور کراکو کے میوزیم آف ہسٹری کے ماہرین نے تصدیق کی کہ امبر کی عمر 38 سے 70 ملین سال کے درمیان ہے۔